ទិវាសិទ្ធនារីអន្តរជាតិ
ទិវានារីអន្តរជាតិ (International Women's Day) ដែលជាទូទៅនៅក្នុងប្រទេសកម្ពុជា ត្រូវបានគេហៅថា ទិវាសិទ្ធនារីនោះ តែងតែប្រារព្ធធ្វើឡើងនៅថ្ងៃទី០៨ ខែមីនា ជារៀងរាល់ឆ្នាំ។ នៅក្នុងតំបន់ផ្សេងគ្នា ទិវានេះក៏ត្រូវបានប្រារព្ធឡើង ក្នុងអត្ថន័យផ្សេងៗគ្នាដែរ ក្នុងនោះមានដូចជា ដើម្បីបង្ហាញពីការគោរព ការកោតសរសើរ និងក្តីស្រឡាញ់ចំពោះស្រី្ត ដើម្បីអបអរសាទរចំពោះសមិទ្ធផលនានា ដែលស្ត្រីសម្រេចបាន ដូចជាផ្នែកសេដ្ឋកិច្ច នយោបាយនិងសង្គមជាដើម។
ដំបូងឡើងទិវានេះត្រូវបានផ្តើមប្រារព្ធឡើងក្នុងទម្រង់បែបសង្គម និងនយោបាយតែប៉ុណ្ណោះ ប៉ុន្តែក្រោយមកវាត្រូវបានបូកបញ្ជូលជាមួយនឹងវប្បធម៌ ដែលមានលក្ខណៈខុសៗគ្នា ទៅតាមបណ្តាប្រទេសនីមួយៗទូទាំងពិភពលោក។